372

جلد کو خوبصورت اور چمکدار بنآ ءیں....

چمکدار جلد کےلئے بازار کئی بیوٹی پروڈکٹس موجود ہیں۔  لیکن جو چمک انسان کے چہرے پر قدرتی چیزوں سے نمودار ہوتی ، وہ نہ صرف دیر تک موجود رہتی ہے بلکہ انسان کی خوبصورتی میں چارچاند بھی لگادیتی ہے ۔

 

مختلف غذاؤں میں موجود اینٹی آکسیڈنٹ انسانی جلد کو صحت مند بنانے میں بہت مددگار ثابت ہوتے ہیں، اسی طرح مختلف غذائیں جلد کوتازگی عطا کرتی ہیں۔

 

وہ کون سی غذائیں ہیں جو آپ کی جلد کو خوبصورت اور چمکدار بناتی ہیں، آئیے جانتے ہیں۔

 

پالک

 

 

 

اس میں جلد کو فائدہ پہنچانے والے  وٹامن ای، سی اور بی کے ساتھ  پوٹاشیم ،  کیلشیم ،میگنشیم اور اومیگا تھری فیٹی ایسڈ پائے جاتے ہیں۔

 

اخروٹ

 

 

 

دن بھر میں صرف ایک اونس اخروٹ کھا لینے سے آپ کی صحت بھی اچھی ہوتی ہے  اور خوبصورتی کے لئے بہت  مفید ہے ۔ اخروٹ بالوں اور آنکھوں کو  چمکدار اور روشن بنانے میں بہت مددگار ثابت ہوتے ہیں اور اس سے  جلدبھی نرم و  ملائم ہوجاتی ہے۔

 

ہلدی

 

 

 

یوں تو ہلدی کھانوں کا ذائقہ اور رنگت بڑھانے کے لیے استعمال ہوتی ہے لیکن اس سے  صحت اورخوبصورت بھی بڑھتی ہے ۔ ہلدی کے ذریعے چہرے پر موجود داغ دھبوں کا باآسانی خاتمہ ہوجاتا ہے۔

 

ناریل کاپانی

 

 

 

ناریل کے پانی کے ان گنت فائدے ہیں۔ اس سے وزن بھی کم ہوتا ہے اور آپ کی جلد بھی نرم وملائم بنتی ہے۔ اس کے علاوہ اس سے جھائیاں بھی صاف ہوتی ہیں اور کیل مہاسوں سے بھی نجات ملتا ہے۔

 

مالٹے

 

 

مالٹے کا چھلکا آپ کی جلد کی صفائی کرتا ہے،  مالٹاکھانے سے بھی جلد خوبصورت اور صاف بنتی ہے اس میں موجود اینٹی آکسیڈنٹ جلد کے لئے فائدہ مند ہوتے ہیں۔

 

نوٹ: یہ مضمون محض عام معلومات کےلئے ہے، اس پر عمل کرنے سے قبل اپنے معالج سے ضرور مشورہ کرلیں